為食星期天part3 Itlian Tomato

星期日呢...一時興起 , 好想食cake , 哥仔提議不如去 tomato 食buffet ,我當然舉腳贊成!上一次去己經經係03年聖誕前夕

(03-12-14 , 有相記錄真係好!)

拿拿林叫埋阿san同笨叻佢地 , 我地3 pair加埋johnthan bb一齊開大餐!

不過今次我係services方面有微言 , 其實我好早就到新太陽廣場, 因為5:30會派籌 , 不過我見無人排隊 , 就唯有企係對面個日本書局打書釘!

等左大半個鐘 , 到差唔多鐘我就係門口企左一陣, 見都未有人排 , 心感奇怪?唔通而家已無人幫襯?

之後見到有個女仔望兩望就入左去, 我又跟住入去啦 , 原來真係入去登記"羅"籌 , 心中怒火上升 , 我登記左之後就忍唔住問:

"你呢度又話5:30係出面排隊等派籌既 , 點解而家一入黎就可以登記 ?"

有個貌似經理既四眼佬就對我講 :

"咁我地唔可以得失d客人 , 佢地入黎既話我地都要比籌佢!"

心中暗說 :" #$%?! "

----------

我地時6:20回到餐廳 , 當取cake 時 , 由於仲差兩三分鐘 , 個女侍應叫我地等一等 , 咁當然無問題啦 ,

但二話不說 , 我立即聽到身後既 "經理" 對另一位客人講 :

" 哦 , 而家可以"羅"得蛋糕架啦!" 仲用手勢請佢身旁既客人行向我地身邊取cake...

哎呀!!!!!!!我忍唔住同身邊既阿san講左句 : "呢度d人一時一樣 , 我今日遇到第二次啦!"

當然以上其實係好小意思 , 但真係有d唔開心呢 , 對我來說扣晒分啦!

(原來睇番openrice既評語 , 個個都彈services!!呢間餐廳真係要檢討下!!!)

-----------

由於滿肚氣 , 一於食番佢夠本 , 差唔多食左十幾件cake , 仲有五六碟意粉 , pizza 等 ! 我地個個都食到捧住個肚走啦! 睇黎呢兩星期要再勤力d做gym先得啦!!

-----------

貼士 :

最緊要食佢地既chocolate mousse cake 同 coffee mousse cake , 最滑最新鮮!但今次無green tea mousse 食 , 所以有d失望!

另外唔好好似我咁精 , 因為今時唔同往日 , (眼見已經唔係好多人 , 6:30既一場都算 full, 8:30就得半場, 可能因為services 太差...)

佢地話就話5:30派籌 , 但去開行街既咪早少少去羅定位啦 , 再唔係咪食第二間啦!

又或者銅鑼灣同apm都可能好d!

------------------------------------