身為伴娘既我0係大喜日之前一晚都唔係好訓得, 加上下晝陪埋哥仔死檔"林老細"去深圳買燈 , 呢兩日用盡晒d energy , 番到屋企 , 散晒!
原來係羅湖站 , 乘1號巴士 , 0係"田貝四路" 落車 , 有條燈飾街 , 係呢度買燈 , 差唔多兩三折就買到 , 千幾蚊就買到4 盞燈 , 講緊係兩房兩廳 !當然始終豐險由人啦 !
番到香港已經差不多九點鐘 ,去完禾輋"康樂"食飯, 都成十一點,大家仲要興之所致 , 番黎小妹家玩跑馬仔 !
雖然我無份打,但"整呢整路",差唔多佢地走我先訓,兩點幾訓,四點就醒左...
=============================
終於到姍姍大喜日!
一早搭頭班車入西貢 , 姍爸爸再到碼頭接我 , 好多年無見姍爸爸啦!
細個每逢陸運會 , 都係姍爸爸車我地。仲記得有次因為要等我 , 搞到姍爸爸遲到呢!
大家仲記唔記得我要戴 cons 呢? @(00)@
嘻嘻!晨咁早起身,眼都未睜大,所以我入到西貢先戴。
仲記得第一次要差唔多要用成個鐘,之後要九個字,今次呢...
都用左成半個鐘呀!總叫有進步啦!
(我呢個伴娘 , 除左做陪嫁妹 , 仲做埋歡樂小姐! )
而早上呢個look, 係不經他人手 , 全權自己搞掂 , 都唔係太差掛?
----------------------
眾兄弟姊妹
(你睇下我個姍姍幾靚! 而永遠都係小朋友著禮服最可愛!)
無戴眼鏡既阿朱 , 好少見0架 ! 望多幾眼啦!!
---------------------
朝早有段小插曲...
話說我媽媽仲有一條珠鍊留低 , 咪叫阿爸帶番大陸 , 睇下平既就整埋佢 , 留到當日 , 自己帶又好 , 姍姍多條鍊帶都好!
阿爸無整到條鍊 , 反而買過條又新又大粒既珠鍊比我 , 條珠鍊好靚0架!
(阿爸 , 唔好再洗埋d 無謂錢啦!!)
曾經諗過比姍姍帶 , 但始終係珠鍊 , 有咩"e郁", 斷左咁咪好唔"老泥"!
所以都係留番比自己 , 一早就帶住條鍊靚靚咁出去 。
去到姍姍屋企 , 地方大花園大 , 最緊要係有蚊 ! 即刻除下珠鍊噴蚊怕水, 點知一除就斷 !!!
OH!不幸中大幸! 但好失望呢...
============================================
(Ellen 當日真係好靚呀 ! 你地睇下阿晴同軒軒幾登對 !)
("晴軒相" 由晴晴的天地提供 , 多謝 Arisa!)
多謝姍姍同一班姊妹既愛錫 , 俾我偷走兩個鐘 !
姍姍3:00行禮 , Ellen就2:30 行教堂 , 但二人同於尖咀擺酒 , 一個尖東 , 一個廣東道。
所以我就姍註冊同埋影完相後, 等Ellen 回酒樓 , 影到唯一一張合照!
但等唔到阿晴同軒軒 , 很失望呢! (阿晴 , 朱朱好掛住你呀 !)
另外 , 0係度特別鳴謝阿Dam同阿dam 媽 !!!!非常感激!
=============================================
我地班姊妹幾正 !!!姍所揀既係馥苑,場地同環境都唔錯,最緊要係有獨立新娘房連?所,十分方便 !
菜式方面,最差就係海鮮卷, 細到好似平時飲茶所叫既仲大過佢!
但最欣賞佢既甜品,除左紅豆沙,估唔到有杞子桂花糕!!造得十分精緻,清新好味 !!
(哈!做伴娘既我都可以偷到時間食野,我有食翅0架!)
============================================
姍姍既晚裝套套都咁搶鏡呀 !緊係啦 ! 大部份我都有份幫手揀喎 !!
而夜晚個妝仍然自己執筆 ,個頭就俾化妝師搞 , 都叫ok 啦 !
順利既人都佔一位檯 , 當中我又收多一個消息 , 十二月又多一單啦!!點算呀...
沒有留言:
發佈留言