終於去過濕地公園啦!
一個小朋友既天地 , 去到見到每個單位, 十居其九都有小朋友 !不過真係帶埋小朋友去好玩好多 !公園收5點, 4點停票 , 我地約好3點半 , 公園門口見 , 個個都好準時 , 我地啦 , Arisa同晴晴啦, 阿姐同軒軒啦, 仲有LuiLui , "原本仲有一pair"......之但係呢...
入到公園第一個戶外展館就係小灣鱷貝貝啦 ! 但細細條 , 又唔郁 !
佢係小叢樹下晒太陽 , 一直都無郁過, 直到我地臨走前都係原封不動 , 令我覺得都唔知係真定假既...
我地主要行戶外 , 睇下花草 , 睇下蟹仔 , 彈彈魚咁 , 小朋友睇得好開心 , 行浮橋時仲 we 嘩鬼叫!
當然得個半鐘仲要拖住兩個小朋友 , 唔行得快 , 戶內所有展館都無睇到 , 小朋友想去玩大樹滑梯既時間都無 , 相信下次如果同小朋友黎玩 , 要預多少少時間啦!
(左)軒軒,晴晴(一齊做花仔花女既好一對金童玉女呀 !)
(右)LuiLui , 晴晴,幾風騷!
之前我地同晴晴講 , "去濕地公園玩喎 , 咁濕 , 緊係要著泳衣同水鞋啦!"
Arisa話你地咁講 , 佢番去要我搵俾佢就弊 !
阿晴聽到番到去真係有問過Arisa架 , 但當然無咁做到 , 去到公園 , 大家都話 "都唔係好濕0姐"
--------------------------------------
軒軒一見到哥仔 , 立即拖住唔放 , 成日mark實左, 連晴晴妹妹都少理 。
夜晚食飯,哥仔左一個軒軒 , 右一個晴晴 , 連我呢個跟得女友都要行埋一邊。
阿姐 , 我地呢個揍仔公好平 , 諗得過 !
話說臨走前, 哥仔係大堂坐左陣 ,軒軒跟住坐0係佢身旁。
無幾耐 , Arisa分百力枝俾小朋友食 , 軒軒上前多謝 , 我無留意到 , 一坐就坐係哥仔隔離 , 誰知軒軒一見就立即制止我 ,
好有禮貌咁對我講 : "個位我頭先坐開架!"
我立即彈起身,退位讓賢!哈,哥仔既魅力都真係唔少! (只限小朋友之內...)
其實我地好少入元朗 , 天水圍仲少 , 對上一次 , 因前公司搞function , 跟車入天水圍食飯先有機會到 ! 今次真真正正自己去 , 先搭巴士入去天水圍, 而由公園出元朗就陪哥仔搭佢第一次搭既輕鐵 !好似大鄉里出城咁呀 !
----------------------------------------------------------
我地唔夠6點9 , 就去到酒樓 , 所以唔洗等就即刻有位 , 不過就坐二樓。
"原本仲有一pair" , 夜晚終於出現 , 講緊就係翠翠同佢既安格斯 !
唉...都無謂多講...
而阿騰都趕及到場 , 食我地期待已久既 "大榮華"!
----------------------------------------------------------
今次唔洗我發牌 , 所以剩係識掛住食,都無留意d 菜名 , 之後番黎上網睇番先知有 :
陳皮豆鼓蝦(d 蝦肉腍既...),
圍頭五味雞 (最初食以為係豉油雞 , 但做得好滑),
鳳凰蟹肉炒長遠(所謂鳳凰即蛋 , 長遠即粉絲!炒得好乾身 , 味道太清...近乎無味...上網睇先知原來有蟹肉...)
米通炸鯪魚球 (當日食硬身既, 蜆芥醬唔夠鮮 ...唔好意思 , 上環羅富記好食好多)
粟米魚肚羹 (多魚肚 , 份量足 !),
北菇扒菜心(唔食冬菇 ,唔知味,但個汁做得幾好味 !)
家鄉蒸蠔砵 , 又係上網先知有蠔食 , 又係用蛋同粉絲做,同炒長遠重覆左
大榮華炒飯, 原來用上乘既大榮華臘腸同臘肉炒成 , 飯底炒得靚 , 乾而不膩!
鎮店之寶--燒豬油頭抽撈飯 , 顧名思義 , 原來豬油係燒豬油 , 所以特別香 !
又一鎮店之寶--千層奶皇馬拉糕 , 的確新鮮熱辣辣 , 鬆軟香甜 !
不過 , 個人喜愛最傳統既啡色黃糖馬拉糕 , 估唔到呢間咁黃。
甜品有百寶粥, 埋門仲見埋老板韜韜 , 埋單都係六十幾 , 價錢合理 , 不過有d期望過高既感覺。
(貓仔 , 原來最近既係大棠站呢 !)九龍灣其氏商業中心1樓開左新舖, 要食唔洗去咁遠 。不過太多人話佢地服務唔好 , 但我今次去元朗舖, 又唔洗等位 , 所以無特別經歷 ,要去就要有定心理準備啦!
沒有留言:
發佈留言