星期五晚來了一個突擊深圳遊 !
我們一行七人 , 由哥仔同事瑪姬同Vivian 帶路,
我們先到廣深鐵路大酒店開房 , 再到中興路一號小肥羊拆番餐。
之前到中山食過小肥羊 , 雖然未算正宗 , 但質素己經一流 !
而香港小肥羊太貴 , 無打算食 。
深圳這一間 , 從網上所找到資料已知一定是平靚正 , 平時等位也要一個小時以上 , 但我們到步已十時多 , 所以即時有位 , 雖然夜了點 , 但也有好處。
我們除了打邊爐, 還叫了小食 , 如蒙式烤羊排 , 蔥油餅, 十分惹味香口 !
火鍋湯底選了正牌鴛鴦湯底。
麻辣底麻味十足, 但又不會辣得不能入口 , 哥仔吃到汗流浹背 ,
就像醫生幫病人做手術時 , 需要護士在旁?汗,十分搞笑 。
另一邊清湯底, 湯底清甜, 材料十足,
特別是用來煮內蒙粉時 , 吸了所有精華 , 口感煙韌, 正!
-----------------------------------
食完飽飽 , 繼續由瑪姬介紹 , 直接到 "東方夏威夷"按摩 , 收費$98兩part,
由於買二送一 , 即三part, 一part 45分鐘 , 不算太貴吧 !
休息室內 , 有三個池 , 一個熱, 一個凍 , 一個柚葉 。煤過煤炭屎鬼的哥仔, 他告訴我, 當他一見柚葉池 , 立即玩潛水 , 希望一洗衰氣!
有無效? 我仍是建議大家不要與他夾六合彩...
--------------------------------------------
第二日checkout後 , 飲完茶便乘搭地鐵去老街站, 到東門逛 。
瑪姬又再帶路 , 我們往 "九龍城" 商場進發。
"九龍城" 商場 是一個集中造水晶甲及駁髮的地方, 上到四樓一間水晶甲舖 ,
所有靚女均乖乖坐下 , 選出心水靚甲圖案 , 提起玉手給修甲師。
隻手人地架...貪靚的阿朱當然心郁郁 , 但每當想起將要赴宴 , 要戴cons時,
而各位也知我朱手靈巧 , 如果造了水晶甲 , 相信到時能戴不能除!
又不想見到哥仔無人陪, 要戇居居自己周圍逛 , 好危險呢 !
幾經掙扎, 決定放棄 。
--------------------------------------------
興幸造水晶甲的時間只需一個小時多, 臨到尾升,
瑪姬帶我們到商場對面的小食店 "八哥" , 外賣馳名麻辣粉回到修甲店大家一起吃。原來吃麻辣粉有技巧, 就是不可以"吮" !
因為一吮 , 便會索到辣油到氣管 , 萬試萬靈 !
所以要大大口咬 ! 由於正宗是麻辣 , 材料十足 ,
每個人又再一次吃到大汗淋漓, 吃完全嘴被麻 !正 !
臨走前, 又再吃多次, 今次叫了碗不辣的。雖說不辣, 但實際中小辣 !
之前與哥仔share一碗 , 今次學精了, 為食的我迫哥仔每人一碗 !
由於是街邊小食 , 大家都坐在路旁 , 享受這熱騰騰,火辣辣的麻辣粉 。
有點似去了台灣食阿宗面線的感覺呢 !
沒有留言:
發佈留言