平安Wii, 聖誕Wii

"復活節就到啦,你準備好心情,迎接舉世歡騰既冬日佳節未呀?

只要係27,28,29號羅假,你就可以前後羅到9日, 你復活啦!

訓飽就食, 食完就恰, 恰完就玩,

玩完就打邊爐, 日日自然醒, 閣下復活啦!"

(from 五天精華遊 06聖誕jingle)

雖然哥仔無9日假,但由22號晚開始,就係聖誕爛玩假既開始!

===========================================

22號做完節, 我地踩單車過隔離村開P!

哥仔同事瑪姬有自己的私竇, 住在我們家附近, 我地一班人去拆屋。

瑪姬很有心思, 將圖畫紙貼到牆上, 給到訪的人留名!

當我發現時, 哥仔已經簽緊個大名, 佔據全張大紙, 我唯有留個0麥樣...

P.S.原來零晨5點踩車真係好凍架...

============================

呢個平安 & 聖誕你去左邊呢? 我過了一個平安聖誕"Wii"!

首先平安日到哥仔同事阿Joyce的家玩Wii,

Joyce屋企有兩樣東西特別吸引我, 不是Wii,

一是小貓咪"拖肥",二是全屋大口仔!

小貓咪"拖肥"非常爛玩, 由頭玩到尾, 特別鐘意縮入貓隧道,然後逗你玩。

玩到夜晚,我們到附近"有叉用"bbq。

"有叉用"是自助式,當晚每個人頭$68,每人包一支飲品。

雖然"夜媽媽",看不到周圍環境,但地方也算大,還設有釣魚場及射箭場。

食物方面,味道不過不失吧, 但很少選擇, 連芝士腸都無! >.<

如只在乎一班人嘻嘻哈哈,位置方便 (對住天水圍的人來說...),

也算一個選擇。

================================

第二日聖誕日, 本來沒有打算出外,

但下午收到阿Dam來電, 原來他也急不及待買了Wii。

這樣, 我們又到他的新居來了場友誼波!

由於只得我們四個,可以慢慢玩, 我見可以整公仔頭 ,

便一次過整足四個,你望下睇下邊個最似?

玩完兩日Wii, 有以下的結論:

1.要做熱身運動先好玩, 因會事後肌肉酸痛, 特別是玩網球。

2.屋企真係要有咁上下大, 因動作大, 會撞親, 或飛到其他人。

3.要有人陪你玩, 自己一個玩真係無mood!

4.可以的等得的就等下啦,而家炒到$2xxx, 太唔抵!

5.醒目的當然是叫晒身邊的人買啦! 呢架機要人陪玩嘛, 到時人地買左咪叫埋你一齊玩啦!