Alan過大禮

昨日星期日係好日! 所以做左兩樣好好玩既事

1) 陪Alan過大禮!!

2) 拆利是!!

約十一點 , 我地首先 join Alan飲茶 , 一圍十幾廿人 ! 其實平時佢地飲茶都係咁陣容 , 因為Alan 有幾個親戚住在附近 , 好熱鬧!!當中有d對話好有意思...

Alan 伯父 : "我等左五十幾年 , 都係等食呢餐 , 緊係慢慢食 ! 仲未叫鮑魚咋 !"

之後我地去取禮餅同買生果 , 繼而殺入Sidney屋企。

原來餅舖會有盒借 , 古時興木盒 , 而家就用膠盒 ! 放埋d餅入去 , 真係好重呀 ! 由於今次行動只用左三個男丁 , 又無車仔 , 佢地輪流捧餅 。真想像唔到如果d人買五六十斤既 , 點算?!

雖然未到正日 , 但兩家都集齊人馬 , 人強馬壯預備過禮 , 接禮 ! 話就話一切從簡 , 但都好多細節要注意 ! 例如己取餅就唔可以再放落地 ! 當日男女雙方唔可以見面 ! 禮要由家人點算 , 準新娘唔可以自己數餅....

不過就唔洗帶隻生雞去 , 又唔洗買囍椰子, 因為有盒叫 "包羅萬有" 既包晒!

---------------------------------

晚上食完飯 , 哥仔終於 '的' 起心肝話不如拆利是啦 ! 我當然舉腳贊成 ! 等左好耐啦!! 今個新年由於未做野, 所以特別落力去逗 , 收獲都唔錯 ! 仲多過哥仔少少!! 下年要繼續努力先!