籌備多時, 排期數月, 嚴陣以待, 整裝待發!
昨晚終可一嘗洲際 BUFFET! 由六點半吃到十點半, 吃足四個鐘.
四人同行中, 菠蘿兩公婆上兩個月才吃過,
哥仔好歹都叫數年前因公司請客而吃過.
(記得他還讚不絕口, 說三款新鮮生蠔即場即開即吃.)
而只有朱是第一次幫襯 ...
加上現時平日價己加至 $660 一位,
這頂級價 BUFFET, 簡直是百分之二百期待!
原隻開邊龍蝦, 靚!
環境方面不算太清幽, 因太多人; 而每張餐桌的分佈亦擠了點.
但坐擁無敵維港景觀,
再加上層傳來陣陣 LIVE BAND 歌聲, 總算彌補不足.
服務方面, 不論侍應生或食物檯後的廚師, 表現殷勤,
他們並沒有擺出高傲姿態, 反而與你有講有笑, 感覺良好, 實屬難得.
食物方面, 滿足, 但不算驚喜. 可能真的要求過高,
$660 一位, 有此期望也不算過份吧.
此 Buffet 主打海鮮, 但由於不好"韌野",青口,翡翠螺,皆無興趣.
唯有主攻生蠔 .
生蠔現只有愛爾蘭及法國兩種款式.
最後埋單共吃 9 隻. (咁細隻, 唔算多啦!)
size 細細, 味鮮, 更帶點海水味, 現場即開.
因只得一位開蠔師傅, 見他開不停,做到氣咳, 人龍又排到開巷.
其實不需急於一時. 因即使到九時多, 仍不停 refill, 所以亦無刻意排隊.
開邊龍蝦是較好的選擇, 但實際上吃半邊已很足夠.
至於帶子更切得薄薄, 生帶子剌身更是欠奉, 真有點孤寒.
蟹? 有被切成手指長、碎濕濕的長腳蟹, 它, 已不再長腳...
片皮鴨、燒牛肉、印度咖哩、銀鱈魚、碗仔翅、石斑湯等，
可算得上是日精選, 熱盤有水準但款式不多.
另最欣賞有 Parma Ham、發霉芝士及脆卜卜的麵包條.
鹹香味在口內轉,良久不散.
甜品呢?...多以細細件為主, 尤以杯裝朱古力 mousse 最香濃.
但疏乎厘很"鞋", 吃了兩口不禁放低,
即時想起紅螞蟻的特大朱古力疏乎厘的幼滑...
雪糕有三款, 雲呢拿、曲奇雪糕及 Raspberry 雪葩,
均由酒店自家製, 很香很軟.可滿足我這個甜品癡.
但不其然想起 Cova 及 Grand Haytt 的甜品... 哈, 朝三暮四.
同場遇見琴姐在此用膳, 很想很想在她面前說句:
"再見!唔好怪我第一句就同你講再見!因為我真係專程黎同你道別!"
面對尊敬的琴姐, 突然變得膽小怕醜...(朱都怕醜??),
只能望多兩眼. 估不到真人仍很高貴幽雅.
洲際酒店港畔餐廳
地址 : 尖沙咀梳士巴利道18號洲際酒店下層
電話 : 2313 2323
舊blog文章伸延閱讀:
