通常星期日下晝 , 唔係出去玩就係上網 , 今日上網睇報紙時, 睇到個標題 "哥哥阿梅曼玉三角戀"?! click 入去睇原來係無線重播84年經典 <<緣份 / Behind the yellow line>> , 立即開著電視 , 好彩岩岩開始 , 趕及睇哥哥於地鐵遇上maggie既一幕 !
當時既哥哥 , 一名小白臉 ! 張曼玉 , 仲係新?師兄既樣 , 面圓圓 ; 阿梅就帶著小雲眼鏡 ! 而幾歲大既我跟媽媽入戲院 , 印象最深刻既係最尾段既緣份遊戲 , 睇著二人追追逐逐 , 不明所以。
故事講及剛畢業既哥哥初出茅廬 , 在地鐵內遇上張曼玉 , 一見鐘情 ; 搭同一班地鐵既千金小姐阿梅同時亦對哥哥一見鐘情 , 從而展開一段三角戀 , 結局當然男女主角最終走在一起 , 揀選在地鐵內大團圓 , 不過阿梅就成為他們既紅娘。情況有點似<<橙路>>既恭介 , 阿原 , 阿光...
後期98年 西片 <<緣份兩面睇 / Sliding Doors >> , 由桂莉芙柏德露主演 , 講及一秒之差 , 可有兩個不同結局既愛情故事 , 同樣始於地鐵 , 終於地鐵。相信繹此片名既人兄 , 大概都係睇過 <<緣份>> 而有感而發。
--------------------------------
緣份.....天註定 ?! 或是人為 ?!
有緣千里能相會 , 無緣對面不相逢 ?! 相會又如何 ? 不相逢又如何 ?
都係呢句 : "祝 珍惜所愛 ! "
3 則留言:
你講起追到車同追唔到車的電影, 我就一定要借你版去介紹我最愛的導演"奇洛夫斯基"(kieslowski), 他最出名的當然是"藍、白、紅"，但他在1981年拍了blind chance,一班火車, 三個結局﹐及後影響了許多電影人，Sliding Doors是其中一套用了同樣概念的電影~
好野!!!你有!!我想睇好耐!!!!!你知我唔拾得買碟...
但事與願為, 人往往都會錯過最好既或者未能珍惜當下既一切, 到發現時已為時已晚也!
btw, 我同Laurence個人都睇晒成部緣份耶! 讚!
發佈留言