嘩!會考無難度......啦.......d阿蛇咁正....

首先又要多謝Ｌ騰,無佢既引領,都無呢個blog,又無今次既分享... 最近每次搭大金巴,都唔知點解會暈車浪,當然無可能有左d唔應該有既野啦,

但終於比我發現,可能同以下呢個廣告有關.... 我以前都經過要去補習社補英文既階段,仲係幫襯F.SHUM添,過陣時d阿蛇無咁離譜,

最多咪好似草蜢首 "補習天王" (原曲"失戀") 咁...

"為你惡補, 補到好請你0也碗西米撈! 中英數無讀到 顧住無工比你做

婦產科都要補,識會接生先至好! 溫功課唔勤力做賊佬

補習社,整乜鬼又有天王, 補補下,先生去換晚裝,

補習社有用既洗乜作狀, 做乜先生要扮吳耀漢...

做乜影相要扮條硬漢..."

你都唔好話,我懷疑呢個楚峰同F.SHUM有d唔尋常關係,佢咁鬼似F.SHUM後生版既...

每當我聽到佢講呢句野,我都非常感慨,究竟佢知唔知自己講乜嫁?

明明六個字,點會係三個字?佢仲話係幫人補數學同化學?!都真係幾化學...

唔怪知得而家d家長送晒d子女去外國讀書,唔敢比佢地0係香港讀....

我係家長,睇到呢個廣告,個仔要我比錢佢去補,我都要諗過...