鼠鼠發呆...

成日都講 , 舊既唔去 , 新既點黎 ! 不過今次講緊既係我隻倉鼠 !

三年又三年 , 養倉鼠都養左好多年 , 以前養到可以賣 。 最記得有次帶鼠鼠去賣之前 , 帶左佢地去 旺角 ' 姨媽 ' 傢私影沙龍 ! 當年仲係影菲林 , 第日有機會 scan 番比大家睇。

而家只會養一隻 , 因為養兩隻就實出事 , 唔係打交打到爛手爛腳 , 就係咁生仔 , 所以每隻跟我地既鼠 , 一定孤獨終身...

每隻鼠鼠d性格都唔同 , 為食既 , 咬人既 , 唔理人既 , 貪玩既 ...

今次我地揀鼠鼠時 , 揀左隻識得自己上我地隻手 , 果然番到屋企 , 同佢玩時唔驚人 , 不過呢隻鼠居然唔為食 ! 眼仔碌碌好好玩 !

一隻好客既倉鼠 , 各位得閒上黎打牌既時侯 , 順便探下佢啦 !