昨晚去左個盛大既聚會 "616 SLCSS1995畢業十一週年"!
其實 我係96 畢業呢... 唔知有無機會96畢業既都搞埋呢d party? 如果94 又搞仲好 (哥仔係94 嘛...)
當中大大部份都真係有成十一年無見 !
感覺好得意 ! 見到大家靚左 , 瘦左 , 肥左 , 大左 ! 有錢左 ! 係無後生左 ...
而大家不約而同都係話我咁多年都無變過...( 咁即係一樣咁好定仲係咁衰呢...^0^...)
姍姍來遲既我 , 一入去d人就' we wa 鬼叫 ' ! 十一年無見喎 !好彩我係Colin 走之前見到佢(以前好照顧我既一位好阿哥 !) 不過就miss 左見唔到以前教中史既葉SIR! 我仲好記得以前套電視劇 "包青天" 當中有個角色個樣同佢有9成似..嘻嘻 !
到場時大家都滿場飛 , 呢度傾下 , 0個度嗲下 ,今年我就做我姐妹姍姍既伴娘啦 ! Colin 就做阿威既伴郎 ! 咁快就咁多年 !
我地搞手包左場, 尖咀樂道既 Paris coffee , 所以好方便 , 只係得我地呢幾十人 , 噪到拆天 !
至於食物....志不在食...不過杯花茶同D CAKE 都OK！
一食完我雀仔肚又發作 , 去完出黎先見到原來影緊大合照 , 差D miss 左 , 十幾部機轉流再影過 ! 哈哈 !
唔知下次又幾時呢...相信都係要靠各做 finance 既同學啦..嘻嘻
沒有留言:
發佈留言