上星期有三日長假 , 又跟愛人阿san 一家上中山星晨 , 陪 Johnthan 玩 !
我同哥仔十一點幾沙田上車 , 兩點幾到星晨 , 原本阿San 會遲我地九個字到 , 點知...
佢地都係十一點半0係香港上車, 無理由咁耐都未到 ! 我唔敢諗咁多 , 因為最近成日開口中 , 最多諗我地去錯地方 , 同埋擔心阿san大肚臨dum , 點"登"幾個鐘 ?
時間一秒一秒咁過, 我地等到四點幾...
原來佢地架車過左皇崗後開始壞避震 , "登登登登"...挨到去東莞 , 先換另一部車 !足足搭左五個鐘 , 咁耐以黎第一次!!!都算有驚無險 !
(其實算小兒科啦 , 每次同佢地去旅行 , 身邊都有D大野發生 , 上次上星晨 , 星晨就發生左第一單劫殺案...)
-----------------------------------------
同親阿San,Pakkee 一家玩 , 平時唔飲啤酒既我例必破例 ! 不過今次好彩 , 只係去到第二晚先飲左半杯 , 不過哥仔就大單d...,朝早一起身 , 刷完牙 , 早餐未食就俾人叫飲酒 !
第一晚我地去左天虹小肥羊 , 絕對平靚正 ! 九大三細 ,十二個人$380 !!! 肥牛肥羊都好正 ! 無論有幾肥 , 一煲即溶 ! 而最好食係羊血 (羊紅 ), 比豬紅滑幾倍 , 羊餃亦都好好食 !
另一方面 , 由於Johnthan 既表弟只得歲幾 , 要食粥仔 , 老板娘即時話幫我地煲餐紅蘿蔔牛肉粥俾bb食 !好細心 !
但最重要既係老板娘臨尾講左最緊要既一句 :"啤酒任飲 !"
哇 ! 出事啦 ! 可能佢見哥仔面紅紅 , 以為我地唔係好飲得 , 就算任飲都唔會好多 , 哈哈...
最初未黎齊人 , 只有幾個大人同d bb , 點知一聽到任飲 , 即刻吹雞 , 本來已經飲飽食醉既 , 都即刻加快速度到場 !
好彩d人之前打晒底 , 而阿san 又無得飲 , 最後五個人只係飲左十幾枝 , 平時計 , 應該起雙 !
-----------------------------
你睇下Johnthan 眼濕濕啦 ...
呢一晚佢地做左個實驗比我地睇 , 就係所有四歲以下既靚仔 , 一俾人手指指同 "哦~~~"既話 , 十秒內即喊 !
話說 Johnthan 唔知做左d乜, 俾表哥仔"哦" , 跟住我地個個一齊"哦"佢 , Johnthan一聽到以為自己做錯事 , 開始想喊 , 強忍淚水!忍左好耐 , 之後忍唔住喊左出黎 !
之後佢地捉住表弟仔 , (得歲幾咋 , 陰公 !) 唔知邊個帶頭指住佢 , 唔洗多 , 一個指住佢都喊 !
個b真係慘 , 咁樣俾人玩...
沒有留言:
發佈留言