暴走電腦展 + 時新漢堡包

"貫通南北靠西九, 占士隨時會'暴走'..."

每年"西九之首"占士哥都約我們去電腦展, 今年亦不例外。

占士哥是哥仔"老電"的舊同事, 閒時也有聯絡,

算是一個很有心亦很有趣的 '佬'!

但每逢他倆碰一起, 很多時真要扮作不認識他們,

因兩位阿伯是不分時間地點 "暴走"! 實在太 sm, 兒童不宜...

(不明白"暴走"之義, 請看福音戰士EVA,

當EVA開動時,不顧一切衝向敵人...此為暴走......咁即係發癲啦!)

難得上磅, 入左兩蚊, 居然唔出飛?!

"有D人唔洗搵都會自動見到!"

愛人Kiki於灣仔上班, 本想接她一起Lunch,

但說真的, 我有少少怕有人突然發難暴走, 嚇親我Kiki, 所以打消念頭。

誰知在餐廳坐下時, 不久便見到她來!

Kiki, 我們果然有緣有份呢! (但我會好好記著你遺失了我給你的東西...)

電腦展人多, 佬多, 手拿相機影女的佬仲多, (其中一個當然是占士哥...)

但女少, showgirl更少(最後一天嘛!)

以往到最後一天, 人少少,行得很輕鬆;

今年像行花市, 即使最後數小時, 仍爆滿。

價錢方面,平少少啦, 如19吋 lcd mon只賣$1090, 一部高清賣$8888.

我替姨姨買了一些周邊產品,

完場前半小時, 又買了數本 photoshop cs 的書,

(現$100/4本,平日要賣$80一本)收穫不錯!

-----------------------------------------------------------

原來往紅磡的渡輪又大又靚,但票價都貴...

電腦展後, 占士哥帶了我們到他老家, 大酒店....隔離,

極力推介一間餐廳的漢堡包水準一流, 是平價Mos Burger,

我們便跟他上了賊船到紅磡, 尋找隱世漢堡飽!

這裡價錢平, 裝修是舊式快餐格局, 感覺舒服!

熱辣辣的漏汁雙層芝士漢堡, 包是擦上了牛油及烘焗過的!

吃了第一口, 味咸了點, 但麵包香軟,

漢堡扒肉鬆多汁, 夾了很多洋蔥碎,

最奇怪的, 吃起來不太似牛肉。

占士哥是這裡的熟客老街坊, 同老板有傾有講,

我們便一邊看過期雜誌, 一邊享受這個包。

老板見生面口, 知第一次幫襯, 便給了宣傳紙我們看。

肉扒之謎解開了,

內文介紹了此扒由牛,豬,雞肉混合自家製,

第一代港式漢堡包果然與別不同!

時新快餐店

電話 : 2362 1279

地址 : 紅磡黃埔街1A地下 (世界 "大酒店"斜對面)