石家莊團拜之認雀不認仔...

場場爆滿!

一年一度的石家莊團拜於大年初四,

在一片"歡樂"氣氛之下完滿結束,

未能出席者明年請早向石老板報名.

以下是當日花絮... (做乜咁似平時寫D 稿咁既...^.^)

(按圖可放大)

你一拳，我一拳，不如大家猜一拳！

事件1：拳腳無眼

疑似有關人士：咖哩, 笨叻, LuiLui

賽事正式開始，

先由咖哩使出左勾拳打到笨叻眼都突,

笨叻即時以一個上勾拳還擊,最後　LuiLui 加入戰陣,

看圖可見咖哩反晒白眼,嘔晒白泡, 無力反抗...

事件2：認雀不認仔...

疑似有關人及物：

愛人阿San, 衛小寶, 144隻雀, 火窩及美食

事發當日有人為了個人享樂, 3次不認仔.

第1次：四方城旁~

慘遭遺棄的衛小寶, 即使再三苦苦哀求：「 媽~媽~」

但那邊箱, 阿 san 答：「仔, 乖啦, 唔好喊...碰!」

最後小寶仍未能搏到媽媽的一抱...

第2次：火窩旁~

"美食當前, 阿仔唔好喊住,

等阿媽食埋粒緊丸先講..." (設計對白)

第3次：哈利叔叔的龍門旁~

當一向無運行的咖哩玩射龍門,

一落場便出現雙7, 本以為只是射出界, 誰知有人中柱!

玩21點麼? 賠雙吧! 果然無運行...

大家玩得那麼高興, 有人差點連阿仔叫什麼名字都忘了....

事件3：落地開花

疑似有關人及物：Jonathan, 龍門檯

LuiLui都好有心思, 年年都揀選一個別出心裁的靚蛋糕作飯後甜品,

今年選了盆滿鉢滿的盆菜蛋糕,

但懷疑有關人士太興奮,而龍門檯又太脆弱，

一不留神, 又香又軟的蛋糕整個反轉落地，盆底朝天,

眾人嚇呆3秒鐘...

(左) 衛小寶可以吃到石太所煮的愛心靚瑤柱白粥, 冧晒!

(右) Jonathan 又大個仔又靚仔!連一雙鸞鴦襪也是自己配襯的!

比以前乖巧機靈了很多, 只是尾段出了點意外...

"小寶快高長大, 朱朱姐姐很快抱不起你啦!"

逗利是時間!多謝!多謝!