朱之大幸,朱友之不幸.
機緣巧合, 朱友中, 識腦之士何其多,
實屬難得, 故常被朱所用.
近期更得友人~太陽風, 自動請纓,借出 OLPC XO.
可考眾編之餘, 亦作獨家試玩.
絕非一杯齋啡可表心中謝意,
特此獻上此文, 不勝感激!
對決?! EeePC vs XO! 難得, 難得!
這部以兒童為本的平價腦, 是太陽風幾經波折,
參加「Get One Give One」(GoGo) 計劃, 以 $399 美元買回來。
(註：「One Laptop Per Child，OLPC」, 由麻省理工發起,
AMD等廠商贊助。當中的慈善活動「get 1 give 1」,
即買一部 OLPC, 有關機構便安排送贈一部 OLPC,
到發展中的國家兒童手中, 實行一孩一電腦的夢想! )
其義重大, 但據太陽風表示, 此機的潛能更大, 可任改,任超, 任玩.
寫此文時剛巧太陽風正為其機進行全面大改,
首試超頻, 已能達至 CPU 533, RAM 200 ... (CPU 速度原為 433)
朱實對電腦只知不識, 未知實況有多強, 但仍可感受箇中樂趣.
(左) screen shot源自OLPC 網 (右) 可愛的小朋友式鍵盤
外表奇特的 XO 被朱稱為"怪獸"或"針板".
XO 賣相十分趣緻, 未打開時, 似足一塊印有公仔麵標誌的膠針板,
打開時要提起兩旁的"觸鬚", 古靈精怪.
當開機時更令人目定口呆, 因其介面使用 Red Hat Fedora,
雖介面圖案 cute 版可愛, 但非一般人可制服.
以關機作例, 必須重返主畫面, 按下人型公仔內的 shutdown,
才能真正關機. 但怎樣才能夠輕易回到主畫面?是一個好問題...
(很抱歉, 朱仍忠愛EeePC...)
友人好言相問, 這部腦的賣點何在, 借來何用?
一向不求甚解及一知半解的朱只能回應...
"唔...佢唔係好快, 亦唔係好用, 不過好大可能全港得呢部,
而中國只有三、四部, 台灣都係. 同埋係平價細機既始祖...
既然眾編有興玩, 就不妨試試! "
有興趣繼續研究 OLPC 的詳細規格及資料,
歡迎到下列的網址查看.
維基百科中的OLPC
癮科技的詳細報道
vovo2000 forum 有關 OLPC 的軟體規格及細節
太陽風 blog (買 OLPC 前的 review)
另如本題, 有關 OLPC 真身及資料, (或多或少, 或好或衰...)
將同步發放, 有興請買書! (^0^又賣廣告...)
朱聲明：上述意見只供分享及參考.
5 則留言:
我好覺得，
你抽緊《PCM》水...
真係全港獨家，
好野~
但係我都係寧願揀EeePC
好多功能都瘦身無得用,當玩具玩係ok嘅!!!
^0^, 朱朋絕對係堅料!
都係嗰句,多得太陽風的幫手,有興好野齊齊玩, 又肯借咁耐,仲要完全義務性質.
自己一向唔係不識腦,但唔識點解身邊真係唔少腦人, 仲要不同類..
坦白說, 我直情係asus 擁躉, epc900入遲貨已好唔開心...
對第三世界嘅兒童......真係好有意義~
OLPC 仔...第一眼見到佢，就覺得佢有D似...
短小精悍、無人不曉嘅 --> 宇宙大王﹔
大而無當、乏人問津嘅 --> TVBuddy~
要直直正正當一個堅嘅IT人，真係絕非易事~ 眼見身邊嘅IT人，由Ugrad 至今，無間斷應付日新月異、形形色色，考極都考唔完嘅試來提升自己嘅競爭力，真係萬分佩服! (真慶祝自己無呢方面嘅天份同興趣~)
識腦之士確不少，但一個全面識腦嘅人真係買少見少~
砌機、MS Office(真係識個種唔該，好多連簡單function都竟然唔識~ ^_^")、倉頡、各色各樣嘅software, hardware, programming、networking, problem-solving...
小妹唔止唔識腦，仲要係無腦又唔用腦~ 卻幸運地遇上上述嘅真正IT人~ 感謝ing
發佈留言