雖說不應放, 但不放不放還須放.
感謝身邊有阿姐無限量的支援, 又得Mo Mo 及鐵人邦相陪,
當然不少得氣得不作一聲的老總在旁默默監督...
經過 n 小時作戰後, 第一轉在公司見日光照,
平生以來的第一次,(但亦相信不是最後一次...)
在最後一刻,可做的都做,可交低的都交低, 之後...
唔理啦~~放棄啦~~即日過大海!!!
一年多無過大海啦!
很掛念澳門平靚正美食, 亦很想看看威尼斯~人酒店.
由於每間酒店均有免費穿梭車接載乘客到碼頭,關閘等地.
從此在澳門不須再花費分毫, 便可往來各主要景點.
我們一到步, 先坐車到議事亭附近搵食, 再正式展開三陪之旅.
不能放過的澳門小食!
威尼斯人酒店內的 chocolate tuffle cake, yummy!!
陪食~
營地街市內的熟食檔. 靚茶加上又平又好吃的小食,
真正十元八塊有交易, 是不錯的選擇.
另一方面, 以往最愛到國華戲院商場買香蕉雞蛋仔,
今次發現水準奇差,失望...
最驚喜的是等某人在賭桌上拼命時, 在威尼斯人酒店內的 cafe,
找到香濃幼滑的 chocolate tuffle cake,
$28 大大件,二人份量, 味道更可與 Cova 及Teresa相比, 很感動哦~!
(左)好運的呆子.... (右) 十六浦贏16點...阿Dam, 你係得既!
陪賭~
此澳門站有阿 Dam 相伴, 亦意味著必是賭場遊.
我們橫掃威尼斯人, 新葡京, MGM, 永利, 十六浦, 摩卡等,
阿 Dam 的遊擊戰略及爆燈的幸運指數,成功攻破各場.
例：到十六浦玩電腦輪盤, 阿 Dam 將玩剩的$15, 買中間點數,
但因最低消費須 $20, 傻傻的阿 Dam 不停按,
按錯買到半格, 餘下半格踏到第 16 點..
最後,白波落在第 16 點的一格內... lucky shxx...!
$15 遜即變成$180,看得我們目定口呆, 服晒!
(左) 近葡京的八角亭, 實是澳門公共圖書館,有察覺嗎?
(右) MGM手信舖內的 dark chocolate, $10 only,
又一好味新發現!
陪玩~
去澳門, 住酒店太貴, 我們選擇到關閘過珠海拱北按摩場睡.
因有揚姨姨介紹, 她們試過有信心保証,
最重要的是又平又企理, 而且關閘一出便看到.
此處最平的, 按摩 $35 X 2 小時便可過夜.
我們則選了睡泰式床, 大d 舒服d, 亦只是按摩$55 x 2 小時,
更可選專業按摩師.
經過一夜通頂, 再怒玩一天, 基本上一灘在床便變死朱,
但當按摩師一按腳蓋下方時, 哇! 即時彈醒.
按摩師即說..."唔...你腸胃好差呢!"
痛到半醒的朱即答:"....係...超差..."
隨即又進入昏迷狀態......待續.
沒有留言:
發佈留言