(你地睇下阿兜幾受d鬼歡迎!!)
------------------------------
前一晚搭巴士既時侯 , 遇到個女仔不停咁講電話 , 雖然佢唔係好大聲 , 但差不多成車都聽到 , 最主要有高八度既呢兩句 :
"嘩!好興奮呀 , 聽日可以去海洋公園玩哈佬喂呀!個同事肯帶埋我去!!"
"聽講聽日會有埋陳亦迅去 , 發達啦!"
我好唔覺意聽到佢講左半分鐘 , 就已經知道佢係記者 , 不過係番 temp job or summer job , 佢仲講埋電話內面0個個係做"星island"! 佢本人呢...好彩無講到...
由於昨晚ocean park 設有業界試玩日, 佢有份去, 所以佢不停問電話內既friend 有無飛 , 一齊去。(比我唔會同佢去... 佢好多好多野講...)
我同哥仔你眼望我眼 , 心中暗笑...
誰知昨日一早 , 收到突如其來既邀請, 承蒙 Sidney 既錯愛 , 一個電話到來 , 搵埋我地去一齊去嚇鬼 , 咁我地就提早左成個月去慶祝哈佬喂!
(其實佢都係臨時收到邀請信 , 佢公司個marketing 昨日朝早先放封信到佢桌面,好彩唔係今日先比佢...)
哈哈!我地都有份去玩啦!
---------------------------------------------
我由細到大都唔嚇得 , 所以都係第一次玩鬼屋 , 仲一黎就玩咁多個!但今次既體驗好新鮮好好玩!
我地先由灣仔搭37B到香港仔 , 之後打的到大樹灣入口 , 好彩策略無錯 , 因為有太多人到金鐘等車 , 無論等巴士定的士都有排等!
去到大樹灣門口見到d燈五顏六色 , 見到門口己經有唔少既工作人員協助入場人士 , 又有個特大牌坊, 知無去錯入口!
-------
入到去先見兩個場館 , 但由於太多人 , 我地決定放棄呢兩個 , 直接搭電梯去山頂玩 !
黎到哈佬喂 , 反而第一樣玩既係 "越礦飛車" , 夜晚玩過山車個感覺好得意 , 周圍黑蚊蚊 , 無乜燈 , 唔係好睇到自己衝去邊!
之後我地總共玩左4個鬼屋, 有:
1.先玩"荒廢校園" , 個feel 好正, 好似大逃殺 , decoration造得好有心思 。
2."太凶異域 "(3D鬼屋), 好靚 , 要帶著3d眼鏡玩, 但排最耐 , 差唔多45min。
3."猛鬼衙門" , 玩中國feel ,
4."幽靈焚化場" , 由於玩左幾個鬼屋 , 最後適應左, 所以最唔驚...
-----------
據知今年請左二百幾隻鬼黎 , 所以氣氛好好 , 沿路仲有好多唔同既鬼黎嚇你 , 有d會端端從後"滑"出 , 因為佢地用膝蓋擦地 , 會造成火花 ,令你又驚又喜 , 效果又靚!
基本上所有演員好專業 , 佢地會不停嚇人 ,0係你行行下 , 0係你影影下相時就走出黎 , 不過當中有笑位...
我地行到一處 , 想搵路去纜車站 , 見岩岩有鬼行過 , 正當佢以為我地走去同佢玩時 , 我同 sidney 一齊講左句 :
" 纜車站點去呀?" 隻鬼有d失望咁點下個頭, 指向另一邊比我地知....
臨尾時我地見到彊屍 , 諗住同佢影相 , 但好明顯見到佢倦到手都就黎提唔起 ,(當時已11:10pm) , 好慘!
我地都好無奈 , 但又捉左佢黎影 , 你睇下...
呢個係我見到而我覺得佢係全場心得最靚既女仔!
到最後都玩到差唔多12點!真係玩唔晒!
--------
沒有留言:
發佈留言