06-09-30單車遊

秋高氣爽 , 緊係要爭取時間遊山玩水踩單車啦!

昨日約左哥仔兩個同事一齊踩單車!

阿Chris 話今次帶路, 踩入上水 , 基本上無問題 , 因為成日都踩入大尾篤 , 應該可以撐得住。

由於前一次PK過，所以今次踏得好小心 , 心情仲係戰戰競競 。

亦因為驚再次PK, 所以今次搵左條特大牛仔褲去著 , 但始終扎著對朱脾 , 又要額外用好多力 , 下次都係著番普通短褲算啦 , 最多買定個護膝啦!

(圖中此人就係老點我0個個 阿Chris...)

我地先從馬鞍山單車公園出發 , 慢慢由科學園 , 大埔 , 再踩到太和。去到太和 , 阿Chris 開始帶路 , 但我開始發覺好唔妥 ...

點解d路越來越窄? 點解唔係單車徑 ?

原來入上水要踩行人路 , 仲要係一條得兩呎既路, 當你個人企0係度 , 側邊係架單車, 再側邊就已經係棵樹!!

踩到過埋康樂園 , 我已經驚到落車行 . 忍唔住同哥仔講 :

"我唔踩!完全接受唔到 !!!" "最多而家番入大埔去大尾篤 , 我唔踩馬路!!!"

哥仔嘗試call 已走到好前既 Chris,

"阿朱投降 , 仲路咁窄 , 佢踩唔到 , 仲有幾多呢D 路?"

阿CHRIS 覆佢 "仲有十五分鐘車程 , 唔會好耐..."

我唯有暫時信佢講 , 硬著頭皮踩 , 但路越來越恐怖...

因為行人路旁係馬路 , 完全無遮無掩, 行人路又高出馬路成呎 ! 得0個兩呎路 , 我又再一次推車行。

哥仔見我根本行唔郁, 就再call 阿Chris :"我地要截返啦 !"

於是 , 我地踩番入大埔食飯 , 再去左海濱公園 , 本來打算入大尾篤 , 但下晏開始不停落雨 , 仲越落越大 , 睇黎 , 天都叫我地停低啦!

所以都算好彩 , 如果真係入左上水或者大尾篤 , 咁大雨 , 都唔知點交車 !