("小魔怪眼中的媽媽!" 由Johnthan"渣"機 , 都幾清楚啦!)
------------------------------
昨日假期既最後一日, 我地同愛人阿san兩公婆, 夾埋阿仔Johnthan一齊去大埔海濱公園諗住放風箏。
我地晏晝三點幾去到公園碼頭 , 一滴風都無 , 人又多 , 單車又多 , 我地唯有打消放風箏既念頭 , 索性行公園。
不過由於公園全長二點幾公里 , 我地由中間行到尾 , 又由尾行到頭 , 再由頭行番中間羅車 , 都幾金!!
原來阿SAN兩公婆都未黎過呢度玩 , 所以同佢地行左去望下回歸塔 , 同 Johnthan 去睇下昆蟲屋 , 舒舒服服過左一個下午 !
哥仔出名湊仔公 , 深得小朋友歡心 , 之前一日去笨叻先生屋企開局時 , 同Johnthan玩到癲 , 我地同佢玩完 "人肉過山車" 又玩 "人肉飛機" ! 所以呢日Johnthan好黐住哥仔!
我地0係昆蟲屋發現左一樣野 , 就係呢間介紹昆蟲既屋 , 居然無一個位解釋 "昆蟲的定義 " !! 哈哈 , 小朋友 , 你知道嗎?
--------------------------
我就諗番起畢業時約埋一班好姊妹走黎影畢業相 , 好開心呢 !
而以前住大埔時 , 得閒就走黎呢度走一轉 , 哥仔做司機 , 我企0係架單車度 , 哈 , 好好玩 , 最緊要係架車唔洗我踩 !
都最記得有年中秋 , 一路食住姑姑比我地既日式月餅 , 一路漫步海濱公園 , 好舒服 !
今年既中秋諗住點過呢?會同你所既愛人 , 去邊度晒月光呢?
沒有留言:
發佈留言