人月兩團圓

中秋你去左邊度玩呀?

今個中秋係Happy Friday , 本來有幾個choice , 例如去大坑睇火龍 , 有friend又話想黎打邊爐 , 到最後我地揀左同 "低bs" d 人去沙灘晒月光!

哥仔番黎屋企換衫 , 我煮左拿手貴花粉 , 食過晚飯後 , 我地就入左荃灣 。

最初佢地話要由荃灣搭車入 , 我仲估係珀麗灣既東灣沙灘 , 點知原來去左麗都灣...

麗都灣位於深井 , 基本上係碧堤半島隔離。呢個灣係一個長灘 , 0係馬灣街渡碼頭隔離 , 有燒烤場 。

但實際上個灘已受污染 , 唔游得水 , 個灘好污濁 , 不過有兩個碼頭 , 遠睇都幾靚既。

既然入得深井 , 唔食燒鵝 , 都食下糖水啦 ! 所以我地兩個自己就行左去發記食糖水。

今年天宮造美 , 月光大大個 , 真係好有中秋氣氛 , 我地之後去左碼頭 hea 下, 影下相 , 玩左一陣就走啦!

=======================

第二日係雀局日 , 各方好友都黎到舍下玩 , 麻雀得一檯 , 但有九男女...

屋企太細 , 基本上放得張麻雀檯就已經無晒位 , 地方淺窄 , 又無野玩 , 唔好意思啦 ! 不過大家都玩得好開心 , 夜晚仲去左大排檔食飯 , 食到好似做節咁!

正所謂 , 人生有個真正朋友的確好極 , 飲勝!!!