LV 紅白藍?!

前兩日聽到呢單新聞...著名品牌 LV 出 紅白藍....

係岩岩10月10日既 LV SPRING SUMMER SHOW 2007 , 出現為港人所熟識既紅白藍膠袋...

我相信發明紅白藍既人 , 會好後悔無"羅"版權...

========================

咁岩兩年前我就睇左個紅白藍展覽...

聖誕沙田紅白藍

見到大大小小唔同設計既紅白藍 , 又咁岩著紅白藍 , 當然要影相留念啦!

==========================

小妹非常鐘情紅白藍 , 貪佢夠實際 , 夠耐用 , 最緊要夠平 !

十幾蚊有一個用 , 你可以盡情羅去拖 , 羅去掟!

有邊個搬屋唔用紅白藍?

基本上, 每個香港家庭唔多唔少都會有一兩個放係屋企看門口。

要代表香港情懷 , 紅白藍亦係首選 。

你見"住好D" , 甚至許冠傑開演唱會 , 都有紅白藍 既產品出現 ...

雖然一直唔好名牌 , 但見到咁大品牌既 LV,花生?上見到紅白藍 , 心感不是味兒!

我都係用番屋企15蚊有2個既紅白藍實際D啦!!!