Arisa 真係好 , 從台灣番黎無耐 , 就搵埋我地 , 上星期日一齊入赤柱睇花女裙 , 順便夜晚一大班人一齊食飯!
入到赤柱 , 緊係要飲番杯靚奶茶啦!一向好少入奶茶既我 , 黎到都會整番杯 !
(上年影既 , 所以仲係龍舟賽 , 我今次見佢放住支持地鐵到南區既牌)
呢檔茶檔我都唔知叫咩名 , 0係廣場側邊 , 土地公隔離 , 如果向美利樓方向行實經過 !但記住佢收5點!
-----------------------------------------
我地歎完茶就向大街方向行 , Arisa睇中好多妹妹衫 , 亦都買左好多妹妹衫俾晴晴 !
當然我最鐘意既係買到幾條 quicksilver 妹妹裙 , 好靚哦!
但真係好唔明 , d bb衫咁細件 , 點解會貴過d大人衫咁多呢?
阿騰之後都專程入埋黎探我地 , 見下Arisa 。緊係啦 , Arisa 係台灣專程帶左件"倒扁"衫喎 ! 嘻嘻!當然唔係因為件衫 , 而因為人啦! 當日Arisa都無帶件衫出黎!
-----------------------------------
個個都生飛滋 , (除左我之外 , 我寒底既 !) 所以晚上決定出銅鑼灣食壽司!
最想食既緊係"板前"啦 , 但去到已經三百幾號 , 我地轉去食"羽壽司"!
係等位既時侯出現左一句...
阿dam黎到時 , 哥仔同佢傾緊阿dam鑽牆事 , 因為之前阿dam 借左個鑽番屋企 , 想新屋掛番幅靚畫 , 但身旁原籍台灣既Arisa聽到一頭霧水...忍唔住問:
"咩叫掛畫呀?"
哥仔答 :"掛畫咪將幅畫掛番落牆度啦 ! "
Arisa:"我以為又係一d 新術語 , 因為 " 掛"0係台灣語中有d粗俗, 類似"收x !"
我地聽到已開始爆笑 , 哥仔食住度勢繼續講 :
"係呀 ! 掛你車頭畫嘛 ! 都幾好用喎!
可能過一排你從台灣番黎 , 周街d人都講"掛你畫"嫁啦!!"
之後當晚我地得閒就同阿dam 講 : "掛畫啦你!!"
(當日既開心事 , 都可以去下Arisa 同晴晴blog度睇到!)
沒有留言:
發佈留言