今個星期天我要同哥仔分頭行事 , 因為我地各自俾人炸 !
哥仔0個邊係舊同事彭老師 , 其實彭老師係同我同期入scb ,之後我過左另一個department , 佢就留守陣營 , 大家都0係 scb經過風風雨雨 。
雖然而家各散東西 , 但不時都出黎聚下玩下 !
而今次擔任彭老師既花女 , 就係之前過原籍台灣既晴晴 , 所以上星期專程飛番黎hk , 見下大家 , 除左預備彭老師既大日子 , 仲可以一解大家相思之苦 !
大家想一睹彭老師靚靚婚紗相可click 呢度 :
佢仲帶埋佢隻狗仔做花仔一齊影添 !
彭老師 , 我會中段時間飛過黎同你影番張靚相嫁!!!
-------------------------------
晴晴幫彭老師做花女 , 我就要為我既西貢小姍姍做伴娘 !
當年入順利第一個就識佢 , 數下數下咁就十幾年 ,琴日fitting試身時 , 我都同姍媽媽講 : " 唔知當晚我地會唔會三個攬住喊呢?^.^
姍姍既靚靚婚紗相請click 呢度啦 !
-------------------------------
雖然一直都知自己戴眼鏡會好睇過唔戴 , 對眼又細 , 個眼圈仲大過對眼...
但第一次做伴娘 , 帶住眼鏡著晚裝... 所以我昨晚第一次去配 cons (隱形眼鏡), 不過...失敗! 睇黎 , 姍姍將會有個四眼伴娘 ... @(00)@
Arisa 介紹左一間係尖沙咀近海防道 , 係龍津小店對面既 眼鏡舖 , 價錢便宜 ! 我問過價 , 一盒博士倫都係$100 , 而一盒 Acuvue 都只係 $125 , 我便膽粗粗咁入去配 , 誰知...
其實之前阿援都帶過一對番屋企俾我地試 , 但哥仔戴到 , 我就戴唔到 。
去到眼鏡舖有兩個人 , 首先由一位資深既驗光師幫我驗眼 , 之後佢就幫我試戴, 佢好有耐性 !
由於我唔知驚乜 , 佢幫我戴左好耐 , 做左好多心理輔導先至戴到!
(已經叫進步左好多 , 之前一次係完全戴唔到..)
戴得上去緊要除番出黎 , 之後第二個師傅教我除。
當然呢度我又用左好多時間 ,慶幸當時舖頭內無咩人...
繼而又教我自己戴 , 呢個係重點 , 時間一秒一秒咁過 , 人客越來越多 , 我試到戴右眼 , 但用左好多時間都帶唔到左眼...
動作重覆又動覆 , 一直至到哥仔放工過黎搵我都係未戴到 >.<
驗光師好好人 , 佢見咁玩落去唔係辦法 , 最後免費俾左對cons我番屋企慢慢試...
(其實講到呢度 , 係人都知 , 佢地唔想我陪佢地收舖啦 !佢地仲要做生意嫁!)
但講真 , 我而家都唔係好敢試...
**哈哈 ! 無獎問答遊戲黎啦! 究竟我逗留係呢間眼鏡舖有幾耐呢?**
所以我要0係呢度賣廣告 : 呢間眼鏡舖價錢平 ! 服務佳 !
當我好順利咁可以將副 cons 不停咁又戴又除既話 , 我一定會番去幫襯 !
沒有留言:
發佈留言