061031晴晴飯局

晴晴番黎咁耐 , 終於排到期 , 0係萬聖節一齊食飯啦! 一見到晴晴 , 簡直有d 失落 , 因為佢第一時間抱住咖哩, 我即刻扁嘴啦 !

安格斯帶左我地去石峽尾南山村既一間小菜館 , 我地叫左手撕雞, 茄汁煎蝦碌 , 魚香茄子煲 , 蒸魚等 , 每三道菜送一道菜, 最後埋單每人六十幾 , 都算抵食。 雖然係一間小型菜館 , 但都放左好多萬聖節佈置 , 如南瓜呀 , 蜘蛛, 巫婆公仔 , 骷髏骨公仔等, 加添左d節日氣氛。

---------------------------------------

最初晴晴見到應聲蜘蛛爬下爬下 , 由於距離遠, 都覺得好得意, 繼續同我地玩, 點知我地傾傾下越傾越大聲 , 檯中間上方既巫婆公仔應聲跌下 ,

"嘩哈哈哈哈"

我地都嚇一跳 , 坐左咁耐都無跌過落黎 , 真係失驚無神!

晴晴驚到即刻"哩"埋到媽媽身後, 仲忍唔住差d喊, 我地想說服佢 , 話俾佢知只係布公仔, 而唔係鬼仔,但都無用 , 最後要餐館既人剪走個公仔 , 晴晴先肯乖乖地坐番低 。

晴晴一見遲黎既騰騰哥哥 , 就講番俾佢知"見鬼"既事, 大概係咁 :

"頭先檯上面有隻鬼 , 好得人驚架 , 之後個姐姐剪左佢 , 就無事啦!"

阿騰就問番晴晴 : "係咪隻鬼仔嚇你 , 所以剪左佢呢 ?"

到最後演變成如果邊個"恰"邊個 , 就剪左佢 !

例如 , 邊個"恰"貓仔 , 就剪邊個! 笨叻生 , 小心d呀 !

------------------------------------------

話明"揍仔公", 哥仔見晴晴心驚驚 , 立即洗出絕招 , 拿出 PocketPC , 開個 game出黎 , 分散注意力 , 唔洗幾分鐘 , 晴晴又笑笑口啦!

------------------------------------------

呢個星期六我地打算同埋晴晴去濕地公園同埋夜晚去元朗大榮華呀 , 你有無興呀?call 我地啦!