新屎坑

由於番中山時, 唯一所買番黎既手信就係兩條單車鍊, 所以前兩日我地的起心肝 , 又去買單車,今次仲買左兩架 !

去買單車之前 , 過左去哥仔老死"菠蘿樹"間舖 , 終於可以見到佢隻聞聲不如見面既'菠蘿'雀 !

之前每次經過佢間舖都係收左, 哥仔就會用佢既口技 , 係度閘出面吹口哨 , 隻雀就會即刻扮防盜警鐘叫 "er~~~~~", 開初真係唔係好信 , 但無理由有個警鐘會跟哥仔d 口哨聲互相呼應 !

今次終於見到啦 !隻雀係傻0架!!!好搞笑 ! 佢除左扮防盜聲 , 仲會扮汽車倒後聲 "be~~"!

由於哥仔唔願上 youtube, 等下啦! 我剪左片後 , 放上去等大家一齊笑下!

--------------------------------

講番買車 , 今次我地揀左兩架無避震 , 其中一架加多個軟墊 , 多左個後座 。

一銀一黑 , 平平地三百幾蚊 , 我地屋苑個單車位 , 有遮等於無遮 , 所以就算唔見左都無咁心痛 !

不過因為無左避震 , 真係好"登" !!!又唔係"dum頭" , 踩唔得遠！相信趁佢仲後生時 , 踩到大埔都仲得 , 遲d架車越來越實 , 就未必踩到咁遠啦 !

邊個要學車(單車) , 過黎 , 由咖哩師傅親自教授 , 師資優良 , 段鐘計,你收平d 又點話 !