中山遊 : 薩娃迪卡

去到中山第二朝 , 陪左阿san 去電靚髮 , 我自己都黎一套洗剪吹。

興幸0係中山洗頭興連按摩, 足足有三十五分鐘 , 因為阿san 一電 , 就電左三粒鐘...

師傅好有心機幫我慢慢剪 , 佢見我心郁郁想電髮 , 仲幫我set 埋頭 , 睇下效果 。最後價錢只係收 $30人仔,連set 頭錢都無收呢 !

阿san 揀電"數碼陶瓷", 原來所謂既"數碼", 只係用黎控制熱力 , "陶瓷"指電髮芯 !

呢部就係數碼陶瓷曲髮機, 舖名叫"至高" , 近步行街。

-------------------------------------

我地下晝去番 " 巴蜀人家"食飯。前一次都黎食過 , 又係一間平靚正 !

蒜泥白肉、蒜泥紹菜、串燒黃金蝦、水煮魚、手撕雞等, 埋單又係三百幾。

之後行下步行街 , 又去匯益 , 又去大福源 ,當然 , 掃貨就在所難免!

---------------------------------------

由於前一晚去小肥羊時 , 經過香格里拉酒店 , 見到旁邊開左間泰菜 , 舖名叫 " 薩娃迪卡" (音 : sa wa de car,=歡迎光臨), 呢一晚就去試一試 。

一入門口 , 心感不妙 , 咁少人既 ?

打開餐牌 , 價錢都唔平, 大家話"係咁e"叫少少 , 點知最後成檯都係!

不過質素呢... 唔單止無得同泰國比, 連香港既都無得比 , 差好遠 !

第一道黎既係青咖哩 , 不過應該叫青咖哩水 !由於太細兜 , 又太稀, 每人分到少少 , 好似飲湯咁 , 好奇怪!

之後既冬蔭公 , 鳳爪 , 蝦餅都唔得, 好彩菠蘿飯都仲有個菠蘿裝住d 飯,真係好難得 !

我忍唔住問究竟星晨有無業主網或者新聞組 , 絕對要推介呢間餐館 , 叫人唔好去!!

最後埋單$580 , 係咁多餐最貴 ! 相信下次到中山 , 呢間舖應該唔見左 !

呢一晚同場加映 表哥仔"哦"表弟仔 , 結果表弟仔唔洗兩秒內即喊 >.<

---------------------------------

半夜我地又走左去食豬骨粥 , 兩兜粥(一兜四個分 , 一兜帶走) ,一個豉油王炒面 , 一碟靚菜 , 承惠$52, 嘩 , 除左平 , 最緊要好食呢 !

------------------------------

上次上中山 , 哥仔學識玩 "馬尼拉" (類似十三張 , 但玩八隻), 今次中山遊 , 又有新玩意 , 就係 "鬥地主 "。

"鬥地主 " 類似鋤大D , 但玩埋 JOKER。其實街機都有 , 屬於大陸GAME , 連 QQ都有得玩 , 搞到哥仔一番到HK , 就去左QQ 度"練習" ,邊個識玩既 , 得閒call我地一齊online 啦 !