完美的一天!!(又去睇相啦!)

三月九日我渡過了一個愉快的一天!!

行程很簡單..

10:30 起床 (係咪好羨慕呢..)

12:45 同哥仔食飯

15:00 入淺水灣影 benz 古董車

18:30 同哥仔一齊搭船過尖咀

19:20 到官塘 join 曾小姐買野

20:00 到"臨時私竇"打邊爐

----------------------------------------

事原二月廿八日同 Alan & Sidney 去完小南國食飯,回家搭地鐵時看見這幅海報...

雖然好遠, 但由於最後一日,'的'起心肝,一於殺入淺水灣!!

由銅鑼灣搭赤柱小巴,我只知淺水灣道60號..原來就0係正 淺水灣酒店對面,問口仲有幅一咁高既海報,幾驚白行一趟!

呢次展覽只有六部古董車,全部仍可行駛!!直接由 "德國平治古董車館" 空運到港!過埋三月九日,便全部運番老家,要飛去德國先見到!!

當然我有帶埋麥兜去,仲好想將佢放係架靚車上!不過由於d "食蕉" 睇住, 真受係唔敢明目張膽...

之後去左對面既淺水灣酒店,每一次入赤柱入奶茶&影相時都會經過見到,但無理由無端端落車!今次帶左麥兜0黎,緊係要一齊見識0下!

好古典!好優雅!影相既好地方!

最緊要係有惠康!!有Pacific Coffee!!!

果然係淺水灣,惠康所賣既貨同山頂一樣,好多鬼佬貨!仲比我搵到罐Blood Mary mix 比哥仔!!

坐0係亭仔內一邊歎從惠康內所買既蛋糕, 一邊睇"彈彈" (彈彈又名麻雀), 簡直好似d闊太咁呀!!^0^

---------------------------------------------

重頭戲0係夜晚!去左"臨時私竇"打邊爐 !

見到一d 想見既人, 好開心呀!!過左一個非常開心既晚上!多謝呀!