四頭家 & 半島 High Tea

事先聲明 , 我仲未嫁呀 ! 但做阿太既生活實在太寫意 ! 這幾個月 , 渡過左一個悠長假期 , 而家不停比身邊d朋友鞭打我 ... " 搵工未呀???... ...搵緊搵緊 ... " 雖說無做野 , 但都好忙 , 我仲有好friend 同親戚未見 , 好多dvd 未睇 ... 最近終於的起心肝做左兩樣一定要做既事 ... ...

1) 去半島high tea...

哈哈 , 你唔好 ' 車 ' 我呀 ! 居然一定要去high tea ?!

其實係我同 Yasman (我既好好舊同事) , 一齊辛辛苦苦咁賺番黎 !! 以前做野一向無乜 bonus , 不過各位阿大見我地做得咁辛苦 , 幫我地向 marketing 爭到d福利 , 其中一樣就係可以得到 1 set 半島 tea set coupon , 呢樣當然難唔到我地兩個 ! 兩個夾手夾腳砌掂佢 !

但Coupon始終會有到期既一日 , 所以先 ' 的 ' 起心肝走去食左佢 , 不過都見唔到三姑既 , 佢成日係電台話佢經常去, 又話好正... 我同哥仔都覺得... 食一次夠啦 , 有下次都可以比個 quota 人啦 !

不過我地真係食唔晒 , 仲剩兩個甜餅 , 唔知點解 kiki 話唔夠飽....

在此多謝 kiki 既情報 , 因為我都叫左壺朱古力 , 仲飲左3, 4 杯添 , 有興趣既可以自己去排隊 , 平日會好d , 無咁多人 , 二人同行 $320 , 另加一。

2) 帶埋麥0麥去睇 阿葛等人做既展覽 " 四頭家 "

四頭家由一開始話擺展覽於沙田既時侯己經想去睇 , 拖下拖下 , 拖左幾個月 , 終於走左去影相。

都算無失望啦, 成個概念都好好玩 !

一入場就見到好 '住好D ' feel , 見到一堆傳統HK 騎樓屋 , 仲有一隻好大隻既??...

最唔鐘意陶傑既書房 , 我完全感受唔到 , 只係得堆草...

最愛既始終都係阿葛同 ' 住好D' 既 crossover , 簡直有曾灶財風範 !!!

展覽期至9月 , 得閒就去睇下啦 ! 而家先click 入相簿睇靚相啦 !