今次真係x街啦 !!

今次真係x街啦 !! 係真正x街!!!

雖然好鐘意砌車 (單車) , 但我好似命犯單車 ! 每次自願話去玩都出事 ! 大家記得既 , 我手上既"蜈蚣"都係於順利時 , 去踏大尾篤時收養番黎。

星期五晚 Leo 哥叫我地去玩 , 由馬鞍山出發去大尾篤 , 哥仔梗舉腳贊成 , 我就話第二個報名 , 緊就出事啦...

我地一朝一行 7人去馬鞍山單車公園出發 , 租單車踏入大尾篤 , 誰知成日都無事 , 但臨尾差唔夠有一分鐘既車程 (射箭場旁)就可以番到去單車場既位置 , 為左避前面兩個人 , 由上路落下路'駁' 時 '線' 呔 , 炒到阿媽都唔認得 ! 周身損晒 , 膝蓋有兩寸大傷口.. 手肘又損 .. 朱肉受傷了................

我即時call哥仔報告 , 佢聽到就即刻回頭搵我 , 點知到佢炒 , 不過佢好好多 , 只係擦損少少手,leo仲話佢好似比蚊針

(好彩塊面無事 , 我地星期六仲要去做伴郎 & 姊妹 )

最抵死既係原本單車公園有st. john 救傷隊 , 但今日居然掛牌話叫我去打999 , 唔開工!!!!!!!

佢門口仲大大隻話服務時間星期日及假日2-5點??!!好想投訴呀 ! 番到屋企先後悔無影相做証 。

之後入左馬鞍山富安花園搵噴霧膠布 , 六間藥房, 兩間賣中西藥既無得賣 , 其餘既四間收晒舖 ??!!

到最後要搭馬鐵, 番到沙田圍 , 即刻走去對面沙角間萬寧先買到 , 哥仔幫我用酷刑我洗傷口..0係公公婆婆面前表現臨火酒 + 噴膠布 ! oh!!! very vey very ........己經無晒知覺....