星期五朱朱去左食私房菜呀 !
某日收到以前su老大范生既message, 吹雞食私房菜 , 一向為食既我緊應承 , 不過礙於而家我 "自由人" 既身份 (即食自己!) ,
而平時聽到既私房菜起碼要四五百蚊 , 同范生講定 :"多過$250就唔去啦 !"之後confirm 只需要$200 位 人頭計, 地點天后 , 咁就跟左佢地去啦...
起初好神秘 , 我只係收到message , " 天后a2出口, 向利x 閣方向一直行 , 過一條馬路 , 美x樓x0號閣樓, 我同白兔現場報導"
我唔算路痴 , 一搵就搵到 , 不過個架步真係有d似...
行到一幢舊樓門口 , 按下閣樓鐘仔 , 上一層樓梯,就係目的地 。
(好彩無見任何黃色招牌 )
呢一間名為 " 喜點" , 一入門口只見四圍? , 廚房於左手邊 ,地方細細 , 裝修簡潔 。
呢度係食粵菜 , 套餐形式 , 三前菜 , 一翅 ,五主菜 , 有炒飯仲有兩個甜品 。
我地一圍十人 , 食到捧肚走 , 以價錢講 , 十分抵食 , 食物質素唔錯 , 每款都有水準 !
不過 , 有少少評價...講得食私房菜, 好高騖遠 , 心想好似食kinder , 應該會有唔少驚喜! 而呢次可說驚喜不足。
驚喜既有唔少, 如 "鯊魚骨菜膽鮑翅" , 材料十足 , 鮮甜美味 ! 好似係澳門食翅一樣 , 翅係一塊塊 , 唔係一條條 !
"蛋炒飯" 係一粒粒上, 口感煙韌 ,
"奶黃包" 係傳統既蛋黃同奶黃混為一體 , 而唔係流沙0個種 (不過我比流沙既縱壞左啦!) 。
"白雪無瑕" 原來係豆漿+麻蓉湯丸 , 好味!
不過有d菜式 , 可以省掉, 如"桃花骨"有如沙拉骨 ,
"金盞喜鳳凰" 做法巧心思 ,但只係一般脆巢伴雞粒炒雜豆...
整體黎講 , 有如北京酒樓 , 但環境舒服好多 ! 食物方面各有千秋 !
價錢差不遠 , 可以再去 !
沒有留言:
發佈留言