星期日本來約晒腳去淺水灣 , 點知天有不測之風雲 , 我地原本先約12:30pm於銅鑼灣食 lunch , 之後搭小巴入去 , 點知餐飯未食完就天黑黑 , 出黎仲落大雨 !
我地去行埋麥0麥都未落完雨 , 唯有轉去摩利臣山游泳池 。
最慘阿dam自己入左淺水灣 , So Sorry 啦 ! 下次同左我地食埋飯先入去啦! 有咩"依郁" 都可渣住碌竹!
------------------------------------
游完水之後跟左Alan 兩公婆番屋企 , 番屋企前帶左我地去佢屋企附近既水族廣場 !
呢個場開左好耐 , 但唔養魚既我地 , 要去睇平時都去左旺角"倉鼠街"(金魚街)啦 !
不過一去到估唔到咁多人 , 感覺好似年宵嘉年華咁 ! 但個場地方大而集中 , 行得好舒服 !
(左)呢隻野唔知叫咩名 , 好可愛呀!
第一間舖已經好吸引! 除左以上0個隻野 , 仲有一缸好大既水母 。
d水母五顏六色 , 有藍有啡有透明, 好得意! 我同哥仔講好似比人落左藍藥水咁 !
巷尾段仲有賣鯊魚睇 ! 如果唔得閒去海洋公園 , 黎呢到都可以滿足下睇魚仔既慾望!
另一邊巷賣高達同模型既 , 鐘意砌高達既發達啦 !
------------------------------------------
(呢幅唔係我影既 , 只係由網上搵到)
Alan屋企都有缸淡水魚 , 魚呀, 蝦呀 ,連龜仔都有 !
最好玩既係佢條接吻魚 !唔知係咪因為得番一條 , 條kiss kiss不斷追住隻龜仔鍚!仲要成日啜到佢d手手腳腳 ! 追到龜仔周圍 "喱"!
開初 Alan話佢隻龜仔怪, 成日喱埋落堆沙度 , 剩係突個頭出黎...嘻嘻 !
就現場見到既 , 就知隻龜仔係因為要避開條kiss kiss而咁做啦 !
其實 條 "kiss kiss" 成日 kiss, 因為龜仔既龜殼上正好有 kiss kiss鐘意既菌 , 所以不停追住鍚。
如果我隻鼠都識得成日鍚就好玩啦!
沒有留言:
發佈留言