燒雞翼 , 我鐘意食!

連續游左兩日水 , 星期日出左北角"newx"唱tea k , 不過呢次應該係最後一次幫襯.. 我去之前打過去 , 問定有無tea 食 , 個receptionist口響響答我有 , 話兩點開始。

我地2:00pm到 , lunch k岩岩完 , 個receptionist話而家計happy hr , 無緊要啦 , 仲有tea set , 算啦!

誰知入到房 , 話個tea set 要到2:45pm先有?!問waiter而家有可以叫黎食 , waiter直接了當答 "無!"

等我地專登唔食野去 , 等等等等等...

終於等到夠鐘 , 哥仔叫左碗米線 , 我叫左個出前一丁!點知一食就...

哥仔食第一啖 : " 點解咁難食既..."

原來佢既魚皮餃米線咩味都無...心諗自己呀左個出前一丁應該無事..

出前一丁上場 , 當我食第一啖 , 哈哈 , 原來公仔面都真係可以咁難食呀!!

佢已經比大光面我 , 都唔係問題 , (我地煮大光面都好好食嫁!) 但佢似乎就咁用滾水浸著個面 , 放兩塊紅腸同兩塊煙肉 ,搞掂!

當中既紅腸同煙肉當然係唔會煎過 , 但最緊要既係佢真係無落過任何調味料 , 如鹽!

雖說tea set只係加$5一個 , 但咁既質素,絕對係趕客 !

最後 , 雖然個場無咩人唱k , 但佢地好準時5:00pm收機趕我地走... 唉....

------------------

意猶未盡 , 我地行行下 , 一時興起 , 同dam & 阿dam嫂走左入石澳燒雞翼 !

正所謂燒雞翼 , 我鐘意食! 係咁以買左d丸 , 買左d扒 , 諗住星期日晚都唔會太多人掛! 入到去dam 嫂首先見到個靚爐 , 我地4 個飛跑過去。

話得靚爐 , 除左側邊有街燈 , 最緊要係個爐仲未熄,(其實上手好唔岩 , 但事實上又益左我地 !) 連起爐既時間都慳埋 , 7:30pm到 , 7:40有得燒 , 哈哈!正呀!

當晚天氣好 , 又有涼風 , 我地4個人坐一個大爐 , 舒舒服服咁晒下月光 , 燒下野食!不亦樂乎!