為食星期天part2 仁寶

(唔好意思 , 網上搵既, 是次大家食得太興奮 , 唔得閒比我影相交功課呢!^.^)

呢日係星期六 , 我收到一個天大既好消息!興奮莫名!(雖然絕對唔關我事!)但開心到呢...足以令成晚訓唔著!!知道既時候差d 喊出黎! 放心 , 我會每晚都為你地祝禱! 因咩事呢...遲d公佈!

-----------------------------

阿dam係911生日, 我地一班前"渣兜"好友約埋出黎賀一賀 !

(阿翠 ,今次我地宣佈好消息時 , 欠你地在場呢!!而家掛住拍拖唔得閒照顧我地啦!)

我地今次去左北角既 "仁寶小館" !

"仁寶" 0係 "新和富" 隔幾間舖 , 之前曾去過新和富食 , 最記得佢既 "鬼馬"(即油炸鬼釀魚肉)同鮮蝦荷葉飯等 , 價錢相宜!而仁寶原來同新和富同出一轍, 所以dam 哥發牌 , 今次食?d唔同既。

仁寶同樣都有"鬼馬" 食, 屬於必食前菜!另外我地叫左以下既...

羊架 (好食 , 多肉多汁!) 避風塘炒蟹 (好大好大隻 , 唔係好辣 , 但好香 !)

特特大蒜蓉粉絲蒸聖子 (起碼成七吋長呢..又大又多汁 , 好有咬感 , 嘻嘻!食完佢之後經飽晒!)

龍蝦荷葉糯米飯 (由於係尾段 , 己經食唔晒d飯)

例牌風沙雞 , 生炒骨 , 蒜蓉炒通菜 , 仲有碟菇 , 臨尾仲有甜品 "栗子西米露"

我地總共11個 , (十大一細 ), 埋單大概一千六百幾 !

當中最貴既係碟蟹 , 差唔多七百幾 , 不過都算合理。

下次去開北角 , 又多一個選擇!!

-----------------------------------