好彩 , 我唔夠平...

我有數個好姊妹 , 之前提及過"順利"既西貢小姍姍 , 今次想講下另一個好姊妹 Money.

首先恭賀Money 同Aki 呢對十二月既新人 , 繼續恩恩愛愛 , 煙煙"勒勒"有個甜甜蜜蜜既婚禮!

Money 勤力又叻女, 但同我一樣係一個大傻婆 , 傻到呢...

----------------------------------

前文提及配cons 一事 , 話說第二日 , 我用左九個字時間去戴對cons , 之後一直唔敢除。原意番去"聯邦"買 , 但當晚身處旺角 , 最後去左"夢想成真" 配 。

旺角眼鏡舖 , 除左"頂好" , 我會去"夢想成真"。因為前幾年幫襯過 , 地方大 , 儀器齊 , 價錢平 ! 所以今次0係旺角格價時 , 去完"頂好", 就上左銀城 !

其實"頂好"都算平 , $130一盒 , 但要我除左對cons , 半個鐘後先再驗眼, 最衰係無岩我既弧度 , 無法。

去到 "夢想成真" , 首先有個黑黑實實 ,木口木面既驗光師幫我驗眼 ,

佢非常cool , 但好專業 ,一係唔講野 , 一講就一語中的 , 心諗:"果然串得起!"

佢幫我驗弧度、近視度數、當時所戴既度數等 , 之後就交比第二個同事。

由於手腳笨 , 唔敢再0係佢間舖試戴 , 既然check 過各方面都ok , 便直接幫佢地買左兩盒(左眼一盒, 右眼一盒 )cons 同一盒眼藥水。所以上星期日可以唔洗做一個四眼伴娘啦 !

------------------------------------------

Money 見我呢個從都唔戴cons 既都走左去配 , 作為準新娘子 , 終於的起心肝 , 前兩日走左去"夢想成真 "。

事後 , 我收到Money 既電話 , 內容如下 :

Money : "家姐,家姐 ! 天妒英才呀 !!"

朱 :" 咩事呀 ?"

Money : " 我都去左"夢想成真度"配cons 呀!"

朱 : "咁咪好啦 !"

Money : " 但係你有無見過隻con 0係隻眼裡面游黎游去呀?"

朱 : "點游呀?"

Money : "我好快就帶到隻con 啦 ! (洗唔洗咁講...)

但當我眨眼時 , 隻con好似太陽上山落山咁又起又落 !

朱 :"係咪個弧度唔岩呀? 唔通你對眼太 flat ?"

Money : "無錯啦 ! 咪有個黑黑實既驗光師既?"

朱:"係呀 , 咪佢同我驗眼0羅 , 好串 ! 但好pro 0架喎!"

Money :

"係啦 , 就係佢 , 我戴完之後抖左半個鐘 , 都仲係唔得 , 佢幫我驗弧度 , 之後宣佈我唔戴得cons !"

"我當場大呀"~天妒英才呀 "!! 全場爆笑! 我叫佢地幫幫手 , 賣一對俾我 , 淨係戴 一日咁多,但佢地唔肯!"

"我估唔到塊面無輪廓 , 連眼都無輪廓 ?!"

"又話係眼球 ? 話明係球體 , 點解會係平既?"

"個驗光師話0係度做咁耐 , 只係遇到三個 。第一個戴唔到 , 宣佈放棄 ! 第二個就係佢隔離個staff , 但因為佢無近視 , 無需要 ; 第三個就係我!!!"

Money一輪嘴咁講 , 笑到我收唔到聲 !

最後佢仲有個chances , 就係下一次試下戴 2 weeks cons , 因為孤度會再細少少 , 得唔得就要睇天意啦!

0係度再一次感謝 , 好彩我(眼球)唔夠平...