數年前曾住大埔, 其實都幾愛此地,
一落街便是商場, 而且一橋貫穿五、六個場, 非常方便.
每逢星期六日放假, 最愛周圍逛. 有時到吉之島,有時落舊墟.
那時舊墟的新街市仍是地盤,還未落成.
前一年經過也只是到圖書館,沒入到大街市.
最近聽同事講起現在熟食街市有多正,有多平, 那不妨逛逛吧!
(左)看了這道門有數秒, 心中出了個疑團...
掛著門前的 CD, 通常利用其反光特點而驅趕雀鳥,
掛在此處, 也能理解. 但玻璃門前所貼上的麻鷹圖,
難道...?不是嗎??
(右)少見的舊樓天台, 舊區的感覺...很好.
上了熟食街市, 感覺如新加坡的唐人街街市.
久違了的成行成市場面又再重現.
由於選擇太多,決定繞場一周,找個有奶茶咖啡的粉麵檔落腳.
誰知一轉角...有人指著哥仔呀："咦, 咁熟面口呀??"(係,又撞到人...)
哥仔問："咁熟的,邊度見過呢？"
我即說："呀,係以前順安麵檔那老板!!"
原來以前順安麵檔那兩父子搬到這兒開檔,
當年我倆還是穿著校服,經常幫襯他們.
現在簡直有如他鄉遇故知. 順理成章,乖乖坐下.
事隔多年, 人不變, 價錢不變, 水準不變.
$15一碗粉麵, $5一杯奶茶咖啡,$5油菜.
$5細魚皮(但眼見份量相等於人家一碟$12,3的)
此檔現賣點是魚旦、牛什及炸魚皮,
(看見人家的厚多士都好吸引! 西多也只賣$9)
炸魚皮,新鮮鬆脆.牛什大大件.
但朱仍要了當年最愛的炸豬扒河.
即炸豬扒是另上的, 加兩塊魚皮在河粉上點綴,
味道不變,風味不變,(老細, 還是多油了少許!用吸油紙墊一墊吧!)
很感動啊!
鴻發牛什魚蛋專家
地址 : 大埔鄉事會街大埔墟街市及熟食中心 2 樓 CFS7 號舖
沒有留言:
發佈留言