如花聚

這兩年寫 blog, 除了與眾朱友分享吃喝玩樂,

實際上賺了很多,所說的當然不是錢,

而是從中認識了一班 blog 友, 灘友是其中一批.

上個 weekend, 我們終於又出來聚一聚,

由阿 gie 帶領下, 到九龍城金泰吃泰菜.

《金泰美食》

地址 : 九龍城侯王道 9 號 A 地下

電話 : 2383 1939

金泰馳名烤鰂魚,燒大蜆及串燒, 我們一行 8 人,

吃得太多, 記不盡.

我們主要叫了大鰂魚, 原條上, 不去鱗,

用鹽及泰式香草醃製,再拿去焗.

魚出奇地滑! 完全不過火喉.

配上辣汁,一流!

而燒大蜆簡單, 鮮甜味美.

蒜蓉飽則是細版烘焙豬仔飽再加蒜蓉醬,香脆無比.

另最愛青咖哩炒飯, 飯香而不辣, 絕對推介!

整體上的價錢亦很相宜, 又魚又蝦, 每人約$90.

(左)大大隻"燒蜆" 吃到阿 gie 眼仔碌!

來此店另一目的, 是順道探訪聞名不如見的金泰如花!

"水晶晶"的如花是鎮店之寶.

如花擁有強壯的臂彎,粗大的黎根腳, 耐人尋味的胸膛...

只要給如花看一眼,包你暈得一陣陣.

加上金泰的地方淺窄, 若能好彩地給如花擦身而過,

其豐滿的身材,定必令你難忘.

這兒好食又好玩, 下次到九龍城搵泰菜食, 又多一個選擇!

(p.s. 如花的玉照? 無架 , 自己去望啦!

Eva & Sidney, 搵日我地成班一齊再戰金泰, 你地定必愛上如花 !)

眾灘友,下次又食過!!